Maipatpatungpal ti DNA testing idiay Nepal tapno mabigbig ti bangkay dagiti biktima iti napasamak a glacier flood iti nasao a pagilian idi napalabas a lawas.
Mangipapaay iti DNA samples dagiti pamilya nga adda iti mapukpukaw a kabagiyanda tapno isu ti maaramat a mangi-match iti genetic profile dagiti narekober a bagi.
Iti baet dayta, addan dagiti pamilya a nangipatungpal iti symbolic funeral para kadagiti mapukpukaw a kabagyanda.
Sigun iti kaudian a report, agarup 1,200 ti pimmusay gapu iti napasamak ken agarup 4,800 met ti mapukpukaw.
Agtultuloy met ti panagkolekta dagiti otoridad iti DNA samples ken dadduma pay nga impormasyon tapno mabigbig dagiti saan pay laeng a naiyawid a bagi a narekober da kadagiti lugar a dinmalanan ti nasao a panaglayos.
