Manarimaan ti imbestigasyon nga isaysayangkat ti Department of Health Cordillera seknan iti kaso ti diarrhea sadiay Conner, Apayao ken kadagiti kabangibang a munisipyo a kas iti Balbalan ken Pinukpuk, Kalinga.
Sigun iti Department of Health Cordillera, ti kaudian a kaso ti diarrhea a nailista dagitoy ket idi Mayo 23 a dumanon iti 222 ngem dytoy ket para iti validation pay laeng.
Iti nasao a datos, dua nga indibidual ti pimmusay bayat a maatap a ti rason dagiti nasao a sakit ket gapu kadagiti kontaminado a danum.
Naala metten ti water samples iti nasao a lugar para iti panakaadal dagitoy ken impasiguradoda a mangipaay dagitoy iti update kalpasan dagiti testing a maipatungpal.
Kabaytanna, agpalpalagip ti Department of Health Cordillera iti publiko seknan iti panag-annad dagitoy kontra kadagiti waterborne diseases.
Maiyunay-unay ti panagpasigurado a nadalus dagiti danum a main-inom ken kitaen a certified dagiti water refilling station a pagal-alaanda iti danum.//Bombo Noveh Organo