--Ads--
BAGUIO CITY – Agbalballaag ti Department of Health (DOH) – Cordillera iti publiko kontra iti antiparasitic drug nga Ivermectin.
Kasaruno daytoy ti maipadpadamag nga adda dagiti sumagmamano nga indibidual ditoy lokalidad nga agar-aramat iti nasao nga agas a maar-aramat met a pang-agas iti adu a kita ti parasite infestations.
Sigun kenni DOH-Cordillera Assistant Regional Director Dr. Amelita Pangilinan, awan pay ti umdas nga ebidensya a mangpaneknek nga epektibo ti Ivermectin a pang-agas kontra iti COVID-19.
Kinunana a posible a dakes ti agbalin nga epekto ti nasao nga agas iti salun-at ti agaramat iti daytoy.
Inyunay-unayna pay ti panang-adal a naimbag ti publiko kadagiti impormasyon a mangmangngegan dagitoy nangruna iti kinatalged dagiti agas.
