--Ads--
Impasigurado ti Department of Health iti publiko a saan a maapektaran ti serbisyo dagitoy iti panakaagas dagiti sakit nga HIV wenno AIDS kalpasan nga inwaragawag ni US President Donald Trump nga isardengna dagiti tulong nga ipapaay dagitoy kadagiti nagduduma a pagilian.
Sigun kenni Health Assistant Secretary and Spokesperson Albert Domingo, adda ti pondo ti Department of Health rason a saan unay a maapektaran ti pagilian.
Kinuna ni Domingo a kaadoan a programa ti DOH ket ti gobyerno ti mangbaybayad kadagitoy ken saan nga agtataud iti foreign funding.
Maipalagip nga idi napalabas a bulan ket, impakaamo ni Health Secretary Ted Herbosa nga agbirbirok dagitoy iti daduma a pagtaudan ti pondo ti nasao nga ahensya.
