Isaksakad ti Department of Health ti kinapateg ti healthy workplace iti rehiyon Cordillera.
Iti panakaitandudo ti healthy wokplace, maysa a wagas daytoy tapnu maipakita ti kinaimportansya ti salun-at ken ti panagprebentar kadagiti nagduduma a sakit, kasta met a paset daytoy iti health promotion framework strategy 2030.
Sigun kenni Geeny Anne I. Austria Nurse V ken dadaulo iti Communication management Unit, ti maibaga a healthy workplace ket ti panakaadda iti nadalus a banyo, adaan iti nasayaat a pagtrabahuan, adaan iti flexible time dagiti empleyado, adayo kadagiti delikado a kemikals wenno radiation ken daduma pay.
Impetteng pay ni Austria a walo pulo a porsyento ti lifestyle iti maysa nga indibidual ket maipapay iti panagadal, panag-diet, panag-inom iti Arak ken daduma pay, bayat a baente porsyento ti maipapaay para iti health care setting wenno kas iti panag-pa check up.
Malaksid iti dayta, ti pannakaisakad ti healthy workplace ket maysa a wagas iti panagtitinulong dagiti empleyado ken employees tapno maitandudo ti salun-at, kinatalged, ken pagimbagan dagiti tattao ken ti kinatalged iti pagtrabahuan.//Bombo Noveh Organo
