Nagballaag ti Department of Health (DOH) iti publiko kontra iti Facebook page nga agpampammarang kas Philippine General Hospital ken agus-usar iti nagan ni sigud a Health Undersecretary Dr. Enrique Tayag.
Sigun iti Department of Health, intan-tandudu ti nasao a page ti maipagarup a “blood vessel cleansing” nga agas para iti hypertension ken dadduma pay a sakit.
Innayon ti nasao nga ahensia nga agingga a saan a naikkat ti nasao a page kadagiti online platforms, amin a pablaak, komento ken transaksion iti nasao nga account ket bogus a posible a mangitunda iti pannakaipila iti kaso kontra iti daytoy.