Nakasagana ti Department of Health (DOH) nga agresponde iti ngumatngato a kaso ti leptospirosis iti pagilian.
Sigun iti ahensiya, naka-activate ti “leptospirosis fast lanes” dagiti 33 a DOH hospitals iti Metro Manila, Ilocos Region, Cagayan Valley, Central Luzon, ken iti rehion Cordillera.
Impanamnama ti DOH nga umdas ti kama ken agas para kadagiti pasiente.
Maibasar iti kaudian a datos, nailista ti 4,285 a kaso ti leptospirosis iti pagilian ita a tawen.
Nababa no idilig iti 6,839 a kaso a nailista idi napalabas a tawen.
Kaadduan ti naireport a kaso iti National Capital Region, Cagayan Valley ken Central Luzon.
Idagdagadag ti DOH iti publiko a dagus nga agpakonsulta a dagus iti doktor no makarikna kadagiti sentomas ti nasao a sakit.