--Ads--
Impaganetget iti Department of Justice nga awan ti mangipar-parit tapno mapilaan iti kaso ni Vice President Sara Duterte.
Iti napasamak a press brieing, imbinglay ni Prosecutor General Richard Anthony Fadullon nga awan iti mangiparit tapno saan a mapilaan iti kaso ti bise presidente.
Innayonna pay a sigun daytoy iti DOJ a mainaig nu mabalin a mapilaan iti kaso ti maysa nga ‘impeachable officer’.
Kagiddan daytoy iti nasao a statement iti opisyal kalpasan nga impaganetget iti kampo iti akusado a saan a mabalin nga i-prosecute ti bise presidente kagiddan iti ‘senate impeachment trial’.
Gapu iti daytoy, impeksa dagitoy nga agsabali ti proseso iti korte ken iti kaso a sangsangoen iti agdama ni VP Sara.
Maipalagip a pormal a pinilaan iti kaso a grave theats iti DOJ ni VP Duterte mainaig iti mapapati a pangta daytoy iti biag da President Ferdinand ‘Bongbong’ Marcos Jr, first Lady Liza Araneta-Marcos ken former House Speaker Martin Romualdez.
Kagiddan met lang daytoy iti pannakabasura iti 'inciting to sedition case' a naipila kenkuana.
Imbinglay met ni Proseutor General Fadullon a naibasar ti resolusyon kadagiti ebisdensya kalpasan daytoy iti imbinglay ni Palace Press Officer Usec. Claire Castro a saan umdas ti kaso a grave threats a naipila konta iti bise presidente.
Manamnama met nga agisubmiter iti komento ti departamento iti motion to quash nga inpila iti kampo ni VP Duterte a nairanta a mangibasura ti kaso a sangsangoen iti bise presidente.//
