Kontra ti Department of Justice (DOJ) iti kiddaw ni Sen. Jinggoy Estrada a travel authority.
Sigun iti DOJ, dilikado ti kiddaw ni Sen. Estrada a travel authority.
Innayon ti nasao nga ahensia a rumbeng a saan a pumanaw iti pagilian ni Estrada bayat a maimimbestigaran.
Malaksid iti dayta, immuna nga imapaulog ti Manila regional trial court ti precautionary hold-departure order kontra iti Senador gapu iti maatap a pakainaiganna iti naanomalyaan a flood control projects.
Maipalagip a kiniddaw ni Sen. Estrada iti Sandiganbayan ti travel authority para iti panagturongna sadiay Hong Kong, Japan ken Macau manipud March 31 agingga April 5.
Nupay kasta, saan a pabor ditoy ti DOJ gapu iti 11 graft charges a naipila kontra kenkuana.
Malaksid iti dayta, naakusaran pay daytoy nga umaw-awat iti komision manipud kadagiti flood control projects, malaksid kadagiti mapapati a kickbacks a nagtaud kadagiti peke a livelihood projects a naibutaktak idi 2013.
