Imbutaktak ti dadulo ti medical team ti Santo Papa a dandani a matay ni Pope Francis bayat ti panagturongna iti pag-agasan gapu iti pneumonia, ken inkonsidera dagiti doktorna ti panagpatingga ti pannakaagas tapno matay a sitatalna ti agtawen ti walo pulo ket walo a Santo Papa.
Sigun kenni Sergio Alfieri, maysa a mangngagas iti Gemelli Hospital idiay Rome, napasaran ni Pope Francis ti dandani a pannakapukaw ti angesna idi Pebrero 28.
Kinunana a kinasapulanda pay ti agpili nu isardeng ken bay-anda ti Santo Papa wenno ituloy nga ipaay ti agas ken “therapies” a mabalin a dakkel a makadadael iti dadduma nga ” organs” ti Santo Papa.
Maipalagip a sipud idi tawen 2013, ni Pope Francis ket agpatpataming iti Gemelli Hospital nu sadinno, tallo pulo ket walo nga aldaw ti kaatidugan nga aldaw ti panagpatamingna iti sangapulo ket dua a tawenna kas Santo Papa ti simbaan a Katolika.
