--Ads--
Nagpalagip ti Department of Labor and Employment (DOLE) kadagiti pampribado a kompanya a rumbeng a double pay ti maipaay a sweldo kadagiti mangmangged dagitoy a sinumrek ita nga aldaw kagiddan ti panakaobserbar ti maika-83 nga anibersaryo ti Araw ng Kagitingan.
Daytoy ket kas maibasar iti Labor Advisory No.04, series of 2025 a pinirmaan ni Labor Secretary Bienvenido Laguesma.
Maibasar iti nasao nga advisory, dagiti empleyado a saan a sumrek ita nga aldaw ket maipaay ti 100% a sweldoda la ketdi sinumrek dagitoy sakbay ti regular holiday.
Kabayatanna, no nag-overtime ti maysa a mangmangged ket nasken a mabayadan daytoy iti kanayunan a 30% iti sigud nga hourly rate daytoy.
