Sinuspinder ni Labor Secretary Francis Tolentino ni Department of Labor and Employment (DOLE) Region III Director Geraldine Panlilio iti maysa a bulan.
Kasaruno daytoy iti ipupusay ti uppat nga indibidual kalpasan a narba ti pasdek idiay Angeles City, Pampanga.
Sinuspinder ni Tolentino ni Panlilio kas paset ti manarimaan nga imbestigasyon iti napasamak nga insidente.
Karaman kadagiti maimbestigaran ti rason no apay a nagtultuloy ti konstraksion iti baet ti naipaulog a work stoppage order idi 2025.
Sigun kenni Tolentino, kayatna a maamuan no inaramid ti DOLE ti amin a kasapulan tapno masalakniban dagiti mangmangged.
Kabayatanna, kinuna ni Panlilio nga inawat na ti naipaulog a preventive suspension ngem inaklonna a naklaat iti nasao nga addang.
Iti baet dayta, impeksa ti nasao a direktor a surotenna ti pammilin ken patienna nga awan ti inaramid ti opisinana a panangbaybay-an.