--Ads--
Nangipila ni Dominique Roque, iti cyber libel kontra kenni Cristy Fermin iti Office of the City Prosecutor idiay Pasay idi laeng kalman.
Daytoy ket gapu paylaeng kadagiti malisyoso nga imbaga ni Fermin iti youtube channel daytoy mainaig iti aktor.
Sigun met kenni Fermin, adda ti karbengan ni Roque a mangipila iti kaso, isu’t gapuna nga ur-urayenna ti subpoena.
Maipalagip, itay nabiit immunan a nangipila ni Bea Alonzo iti kaso kontra kenni Fermin, kaduana ni Ogie Diaz, gapu iti panagdadaelda kenkuana.
Nagbalin a kontrobersya ti nagan da Roque ken Alonzo kalpasan a kinumpirmar dagitoy a nagsinada.
