Tinanggap ng Munisipyo ng La Trinidad, Benguet ang Special Permits na inisyu ng Department of Transportation – Cordillera para sa pagpapalawig ng operasyon ng mga awtorisadong public utility vehicle sa Baguio City–Tili, Shilan, La Trinidad at vice versa route.
Saklaw ng Special Permits ang:
- 11 units para sa Baguio-Tomay Jeepney Operators, Drivers Association Multipurpose Cooperative (BATJODA-MPC)
- 12 units para sa Benguet State University and Community Multipurpose Cooperative (BSUCMPC)
Layunin ng permit na siguraduhin ang ligal at maaasahang serbisyo sa transportasyon at tiyakin ang kaligtasan ng mga commuter.
Ang permit ay may bisa hanggang Abril 27, 2026.