Inlawlawag ti Department of Transportation a para iti amin ti fuel subsidy a maipadawat ken saan laeng a para kadagiti consolidated Public Utility Vehicle.
Panggep ti subsidiya a makessayan ti parikut a sangsanguen dagiti Public Utility Vehicle drivers ken operators gapu iti nangato a presio ti petrolio iti pagilian.
Sigun iti nasao nga ahensia, saan a kasapulan a consolidate dagiti drayber ken operator tapno maipaayan ti fuel subsidy ti gobierno.
Impaganetgetda pay a kasapulan nga agbalin nga inklusibo ti programa ti gobierno gaputa amin a sektor ket mariknada ti epekto ti nangato a presio ti petrolio gapu iti bumarbara a tension iti nagbaetan ti Israel ken Iran.
Immunan a kinuna ti ahensua a puntiria ti gobierno ti dagos a panangipaay ti fuel subsidy kadagiti operators ken drivers ti public utility vehicles iti pagilian.
Mairuar ti nasao a subsidiya babaen iti Land Transportation Franchising and Regulatory Board.
Iti agdama, manarimaan paylaeng ti panangipinal kadagiti pagannurutan iti maipatungpal a programa.
