Nangipaulog ti opisina ti Ombudsman iti subpoena a mangbilin iti Department of Public Works and Highways (DPWH) a mangipaay ken ipaimada amin a computers ken devices a naipaulog iti daydi sigud a DPWH undersecretary Maria Catalina Cabral.
Sigun kenni Ombudsman spokesperson Mico Clavano, maipasidong iti forensic examination dagiti devices iti kanito a mai-turn over.
Aramiden daytoy dagiti law enforcemet agency tapno maamuan no adda ti anya man a datos a na-delete wenno naikkat mainaig iti Flood Control Scandal.
Kabayatanna, impanamnama ti DPWH nga isukoda iti Office of the Ombudsman ken iti Philippine National Police (PNP) dagiti amin a data storage devices, documents, records ken dokumento manipud iti opisina ni daydi sigud a DPWH Usec. Cabral.
