Natiliw ti maysa a drayber iti National Bureau of Investigation (NBI) kalpasan ti insidente iti pammaltog iti uneg iti Senado idiay Pasay City idi Miyerkules iti rabii.
Nabigbigbig ti suspek iti nagan a Mel Oragon, agtawen iti 44, a mapapati a nagpaputok iti sumagmamano a gundaway iti paltog iti uneg iti GSIS Compound iti alas-7:50 iti rabii, a nangitunda iti buteng ken pannakaalarma iti lugar. Dagos a natiliw daytoy iti Senate Security Detachment.
Agtultuloy ti imbestigasion iti pulisya ken maseknan nga ahensia, karaman ti panagala iti ebidensia, pannakiuman kadagiti nakasaksi, ken panangberipikar iti motibo iti insidente. Naipasidong metlaeng iti paraffin test ti suspek.
Maisagsaganan dagiti kaso a maipila kontra kenkuana, karaman ti panaglabsing iti firearms law, alarms and scandals, grave threats, direct assault, ken panaglabsing iti pagalagadan ti seguridad iti Senado.
Sigun kadagiti otoridad, awan met ti nakumpirmar a nadangran iti insidente.
Nangisayangkat metlaeng iti nainget a panagsukimat ken security sweep iti lugar tapno maipasigurado ti kinatalged.
Kabayatanna, kinuna iti PNP a ti suspek ket adda iti kustodia iti Senate Sergeant-at-Arms bayat nga agtultuloy ti imbestigasion iti CIDG ken Pasay City Police
Impangato metlaeng ti PNP ti full alert status kasaruno ti insidente.
