Nadangran ti makannigid a paset iti saka ti agtawen ti 46 a drayber, taga-Buguias, Benguet kalpasan nga aksidente a naidungpar ti imanmanehona a truck a naglaon iti nagduduma a klase iti sabong iti riprap idiay Marcos Highway, Badiwan, Poblacion, Tuba, Benguet iti agarup alas-9:40 iti agsapa.
Kadua ti drayber ti tallo a pahenantena nga agtawen iti 23 a lalaki, residente iti Sadag, Bahong, La Trinidad, Benguet; agtawen iti 29, lalaki a residente idiay Tinongdan, Itogon, Benguet, ken ti agtawen iti 30 a lalaki a residente idiay Sadag, Bahong, La Trinidad, Benguet. Amin ket nasayaat ken natalged met ti kasasaadda kalpasan a nakaruar dagitoy iti truck.
Iti imbestigasion iti pulisia, ti Isuzu alimunum wing van truck a naglaon iti nagduduma a klase iti sabong a nakakahon iti kalsada, naaddan iti mechanical defect wenno naawanan iti preno iti nasao a truck.
Gapu iti dayta, aksidente a naidungpar ti truck iti riprap nga adda iti bangir a kalsada.
Manipod iti nakaidungparanna, nag-slide down iti agarup 17 a metro.
Gapu iti dayta, nakoberan ti maysa a linia iti kalsada.
Ti drayber ket naipit iti uneg bayat a nakaruar met dagiti tallo a pahenante.
Balligi met a narekober ti drayber babaen iti personnel iti Tuba BFP. Tuba MDRRMO, ken Baguio 911.
Saan pay met a nadukatalan nu manu ti gatad ti nadadael iti lugan kasta metlaeng kadagiti sabong a nadadael.