Naaddaan iti maysa a dayalogo iti nagbaetan dagiti maseknan nga ahensya, lokal a gobyerno , Smoke-Free Task Force, ken transport groups ti Baguio City idi Hunyo 4.
Iti nasao a dayalogo, inpresenta dagiti representatives manipud Task Force Secretariat ken Environmental Health and Sanitation Division ti maipanggep iti kaipaspasa laeng a Sanitation Code ti siudad ti Baguio pakairamananen ti Smoke-Free Baguio Ordinance.
Iti sidung ti Sanitation Code, mabilinen dagiti drayber ken driver-operators a mangisecure kadagiti Health Certificates para kadagiti non-food personnel.
Mabalinda daytoy nga iproseso idiay Health Services Office.
Pinalagipanda metlaeng dagiti transport groups iti ballaag ni Mayor Magalong idi Mayo 22 seknan iti cigarette butt littering a kadawyan maob-obserbaran kadagiti staging areas ken jeepney terminals.
Naikan met dagitoy ti maysa a lawas apaman a naiwaragawag ti nasao a balaag tapno linisan ken mintinarenda dagiti naidisignar nga area dagitoy. //bombokaren.c.sapirao
