--Ads--
Ibilbilang ti Philippine National Police (PNP) a Person of Interest (POI) ti driver ni sigud a Department of Public Works and Highways (DPWH) Undersecretary Catalina Cabral, gapu iti mapagduaduaan nga inaramid daytoy bayat ti panagturongda iti siudad ti Baguio.
Sigun iti PNP, maikontra iti normal a kababalin ti inaramid ti driver a ni Ricardo Hernandez gapu iti panangpanawna iti boss-na iti nasulinek a lugar.
Kinuna pay ti nasao nga ahensia nga ammo ni Hernandez nga imbati ni Cabral ti bag ken Cellphone na, isu’t gapuna a mapangduaduaan nga intulukna nga ibati ti sigud a DPWH Usec.
Kabayatanna, impaay ni Hernandez ti Cellphone ken dadduma a gadgets ni Cabral iti pamilia daytoy.
