BAGUIO CITY–Agpatpataming paylaeng iti pagagasan ti tallo nga indibidual kalpasan a naaksidente dagitoy sadiay Sitio CaucalanTaloy Sur, Tuba, Benguet idi kalman.
Nabigbig dagiti biktima a da Rodel Ramos Andata, 37y/o,naasawaan a residente iti Casantiagoan Norte,Laoac, Pangasinan, driver iti nasao nga truck bayat a nabigbig ti kakadwa daytoy a da Mike Valenzuela, Pasia,35 y/o kenni Mr. Mike Valenzuela, Pasia, 31 y/o, a bin-ig nga residente iti Casantiagoan Norte,Laoac,Pangasinan.
Maibasar iti report ti pulisya, pasalog koma ti cargo truck nga adaan iti plate number nga REW 778 ngem naawanan daytoy iti preno a rason iti panakaibanggana iti poste ti kuryente a nagdiretso iti maysa a garden nga asideg iti nasao nga kalsada.
Gapu iti daytoy nadangran dagiti nasao a biktima ken nadadael met ti sumagmamano a passet ti truck .
Malaksid iti dayta, nadadael metlang ti linya ti danom, poste ti kuryente ken ti sumagmamano a paset ti garden iti nasao nga lugar.
Dagus met a nagresponde dagiti otoridad ken naiturong iti pagagasan dagiti nasao nga biktima.
