BAGUIO CITY – Nakemmeg ti maysa a driver ken na-impound ti van nga imanmanehona iti anti-colorum operation nga insayangkat dagiti otoridad sadiay Marcos Highway idi kalman.
Nabigbig ti driver a ni Michael Lidem Flores, 39-anyos ken residente ti Madella, Quirino Province.
Sigun iti pulisya, ididiaya ni Flores ti transportasyon pauneg ken paruar ditoy siudad ti Baguio.
Kabayatan ti operasyon, napaay ni Flores a mangipaay ti kaskenan a dokumento ken naduktalan a saan a nakareshisto ti van nga imanmanehona.
Malaksid iti daytoy, napaay metlaeng daytoy a mangiparang ti lisensya ken ti certificate to operate as public convenience.
Naduktalan pay dagiti otoridad nga addan ti sigud a linabsing ni Flores mainaig iti number coding.
Naiturung metten ti van iti opisina ti Land Transportation Office sadiay Pacdal, Baguio City.
