Inaklon ti driver ti Black Mistsubishi Strada a nabartek daytoy idi nadungparna dagiti road signages iti paset ti Magsaysay Avenue idi parbangon ti Lunes, May 13.
Iti panakiuman ti Bombo Radyo kenni Police Major Harriet Bulcio, panakangiwat ti Baguio City Police Office, ti driver ket maysa a lalaki nga agtawen ti cuarenta(40), empleyado ti non-government agency, ken residente ti Aurora Hill Barangay,Baguio City.
Inaklon ni Bulcio a narigatan ti kameng ti pulisya a duktalen ti pakabigbigan ti driver ti nasao a lugan ngem babaen iti tulong ti Land Transportation Office, ken Traffic Enforcement Unit, nadeterminarda ti plaka ken lokasyon ti lugan a nakaiturong metten iti panakabigbeg ti driver.
Napaayan metten ti nasao a driver ti traffic violation a reckless driving ken leaving the scene without a cause.
Nagreport metten daytoy kadagiti maseknan nga opisina tapno i-settle ti danyos nga intunda ti nasao nga insidente.//Bombo Jez Lapizar
