Saan a nagpositibo iti iligal a droga dagiti amin a driver ken conductor iti nagduduma a public utility vehicles iti Baguio City a naipasidong iti surprise drug test kabayatan iti Semana Santa.
Iti panakiuman iti Bombo Radyo kenni Rosel Sarmiento, spokesperson iti Philippine Drug Enforcement Agency-Cordillera, kinunana a sinaklaw ti operasyon dagiti drivers ken conductor saan laeng a kadagiti buses nu di ket uray kadagiti van ken sumagmamano a jeepneys.
Sigun kenni Sarmiento, iti siudad iti Baguio ti impangrunada a nangisayangkatan iti nasao nga operasyon gapu ta ditoy ti kangrunaan a pagturturungan dagiti turista tunggal holidays.
Nupay kasta, imbinglay ti opisyal nga ikonsiderada dagiti daduma pay a lugar kas iti La Trinidad, Benguet ken iti Mt. Province kadagiti sumaruno a panangisayangkatda iti kapada nga operasyon kadagiti terminals.
Iti obserbasyon dagitoy, inladawan ni Sarmiento a submissive dagiti drivers ken conductors a nagpaisidong iti nadakamat a test nu sadino, awan iti kinasapulanda a pilpiliten.
Mainaig iti dayta, inlawlawag ni Sarmiento a kaspangarigan agpositibo iti panagaramat iti iligal a droga dagiti drivers ken conductors iti drug test, nakadepende iti management dagiti operators nu pagsublienda pay iti serbisyo dagitoy kalpasan iti intervention.//Bombo Rob Dominguez
