Nangipatungpal ti Drivers Summit ti Tuba Municipal Police Station idi kalman para kadagiti nagduduma a transport sectors/ groups (Genesis,Victory, modernized jeep associations, jeepney associations, TODA, etc. ) sadiay munisipyo ti Tuba.
Iti ekslusibo a pannakiuman ti Bombo Radyo kenni Pcpt. Marlon Papco-o, Deputy ken Police Commander Relations Officer ti Tuba Municipal Police Station, ti nasao nga aktibidad ket direktiba ti Provincial Director ti Benguet Police Provincial Office kagiddan ti nagsasaruno nga aksidente iti nasao a munisipyo.
Impeksa ti nasao nga opisyal a ti Tuba ket mang-cacater iti uppat a Major National Roads wenno national highways.
Karaman iti nasao nga aktibidad ti seminar kas pammalagip kadagiti drayber iti defensive driving, blowbagets ken dadduma pay.
Impeksa ni Papco-o nga iti datos dagitoy manipud Enero agingga idi kalman, dumanon iti 50 ti nailistada a napasamak a vehicular traffic accident no sadino saan pay a nagleppas ti bulan ti Hunyo ket nakairekord dagitoyen iti lima nga insidente.
Sigun pay kenkuana, ti nasao a programa ti kaunaan a napasamak ngem panggep dagitoy nga ilaylayon kadagiti sumarsaruno a bulan.
Kabayatanna, nagpaseminar metlaeng ditoy dagiti kameng ti Land Transportation Office, Highway Patrol Group, ken nagduduma a representative manipud iti Local Government Unit.
Iti sabali a bangir, iti ekslusibo a pannakiuman ti Bombo Radyo Newsteam kenni Atty. George Fukai, Executive Assistant to the Mayor, ti nasao nga aktibidad ket agserserbi kas information drive tapno mapalagipan dagiti dribers ken transport groups seknan iti panagmaneho.
Imbinglay met daytoy a sumagmamano kadagiti pakaseknan a naipresenta bayat iti nasao nga aktibidad ket maipanggep iti licensing, ruta, ken no asino dagiti rumbeng nga agpick-up, ken dagiti karbengan dagiti draybers nu maipapan iti apprehensions ken law enforcement.
Impetteng met daytoy nga addu dagiti araramidenda itan nga information driver seknan iti traffic ken transportation.
Impeksa met daytoy nga adu dagiti ipatpatungpalda nga information drive seknan ti traffic ken transportation no sadino suportado met daytoy ti programa ti kapulisan. // Bombo Noveh Organo
