BAGUIO CITY – Naisubli manen ti immunan a nawaswas a Drug Enforcement Unit (DEU) iti amin a kuerpo ti pulisya ditoy rehion Cordillera kagiddan ti pannakaisubli ti aktibo a partisipasyon ti Philippine National Police iti war on drugs ti gobyerno.
Sigun kenni PCSupt. Elmo Francis Sarona, regional director ti Police Regional Office Cordillera, impaulognan dagiti kabaruan a pagalagadan iti panaka-activate dagiti DEUs.
Kinunana nga ur-urayenda pay ti kanayunan a pagalagadan ken sistema ti Philippine Drug Enforcement Agency para iti pormal a panakirugi manen ti anti-illegal drg operation dagitoy.
Maipalagip nga idi laeng napalabas a lawas ket sumagmamanon nga indibidual ti nakemmeg dagiti pulis iti panangipatungpalda iti checkpoint kalpasan a ginandat dagiti nasao nga indibidual a mangibiyahe iti marijuana partikular sadiay Mt. Province.
