--Ads--
BAGUIO CITY – Natiliw ti maysa a drug personality iti buy-bust operation nga insayangkat dagiti operatiba ti Baguio City Police Office – Station 2 sadiay MRR Queen of Peace, Baguio City idi rabii kalman, May 11.
Nabigbig daytoy a ni Rafael Leonor Cruz, 49-anyos, residente ti Hamada Subdivision, MRR Queen of Peace, Baguio City.
Nakumpiskar kenkuana ti dua a pakete ti maatap a shabu nga agdagsen ti 1.4 gram ken ti cellphone nga inaramatna iti transaksionda iti operatiba.
Narekober met iti ikotna ti buy-bust money a naaramat iti operasyon.
Sumangsango ita ni Cruz iti kaso a panaglabsing iti RA 9165 wenno ti Comprehensive Dangerous Drugs Act of 2002.
