--Ads--
BAGUIO CITY – Natiliw ti maysa a drug personality iti buy-bust operation nga insayangkat dagiti otoridad sadiay Johnbee Village, P. Burgos, Baguio City idi kanikadua.
Nabigbig dayoy a ni Monray Garcia Nidoy, 22-anyos, baro, tubo ti Bulacan ken residente ti Legarda Road Extension, Baguio City.
Naamuan a nakalista daytoy kas maysa nga street level individual drug personality.
Nakumpiskar manipud kenkuana ti maysa a pekete ti maatap a napagango a bulbulong ti marijuana nga agdagsen ti 20 gramo.
Narekober iti ikotna ti naaramat a buy-bust money bayat a nakumpiskar ti cellphone nga inaramatna a nakitransaksion iti otoridad.
Iti agdama, sumangsango ni Nidoy iti kaso a panaglabsing iti Comprehensive Dangerous Drugs Act of 2002.
