--Ads--
![](https://img.bomboradyo.com/baguio/2021/01/Rogelio-Buccat-Maria-Damalerio.jpg)
BAGUIO CITY – Nakemmeg ti aggayyem iti buy-bust operation nga insayangkat dagiti otoridad sadiay Bakakeng Road, Baguio City idi kanikadua.
Nabigbig dagitoy a da Rogelio Buccat, maysa a car enthusiast ken Maria Damalerio, maysa a call center agent.
Immuna iti daytoy, inlakoda iti operatiba ti dumanon P27-K a gatad ti maatap a shabu iti deppaar ti Bakakeng Road.
Nupay kasta, apaman a nakadlaw ti aggayyem a ti transaksion ket maysa nga entrapment operation, pinataray ni Buccat ti luganda ken sadiay a dinalaposna dagiti alad ken sumagmamano a nakaparada a lugan iti kalsada.
Nupay kasta, natiliw latta dagitoy iti deppaar ti Suello Village.
Iti agdama, sumangsango dagiti dua iti kaso a panaglabsing iti Comprehensive Dangerous Drugs Act of 2002.