--Ads--
BAGUIO CITY – Nakemmeg ti maysa a drug pusher iti buy-bust operation ng insayangkat dagiti otoridad sadiay Partelo Street, Zone 4, Bangued, Abra.
Nabigbig daytoy a ni Philipp Louie Peralta, 24-anyos.
Nakumpiskar kenkuana ti uppat a pekete ti shabu, kutsilyo ken kwarta.
Sigun iti pulisya, immunan a nakemmeg ni Peralta gapu iti iligal a droga ngem nakapiyansa daytoy.
Nupay kasta, namonitorda ti panagsublina nga agilako iti iligal a droga isut gapuna a naisayangkat ti operasyon.
Iti agdama, sumangsango manen ni Peralta iti kaso a panaglabsing iti RA 9165 wenno iti Comprehensive Dangerous Drugs Act of 2002.
