Drug pusher, nakemmeg iti drug buy-bust operation ditoy siudad ti Baguio

BAGUIO CITY – Nakemmeg ti maysa a drug pusher iti drug buy-bust operation nga impatungpal ti Philippine Drug Enforcement Agency (PDEA) Cordillera idi malem kalman sadiay Fairview Road, Quezon Hill Proper, Baguio City.

Nabigbig daytoy a ni Bryan Llabres, 30-anyos, single, tubo ti Masbate ken residente ti Pinsao Pilot, Baguio City.

Nakumpiskar manipud kenkuana ti maysa a pidaso ti plastic sachet a naglaon iti maatap a shabu ken innem a pidaso ti sangaribo a pisos a boodle money.

Sumangsango ita ti suspek iti kaso a panaglabsing iti RA 9165 wenno ti Comprehensive Dangerous Drugs Act of 2002.