BAGUIO CITY – Nakemmeg ti maysa a sigud a drug surrenderee iti buy-bust operation nga insayangkat dagiti otoridad sadiay Purok 2, Liwan West, Rizal, Kalinga idi kanikadua.
Nabigbig daytoy a ni Joseph Ganab, 29-anyos, residente ti Calaocan, Rizal, Kalinga.
Naamuan a Ganab ket drug surrenderee idi 2016 iti Rizal Municipal Police Station ngem saanna a pinalpas ti Community-Based Rehabilitation Program.
Nakalista pay daytoy kas a High-Value Individual drug personality ti Kalinga Police Provincial Office.
Nakumpiskar kenkuana ti lima a pakete ti maatap a shabu nga agdagsen ti dumanon maysa a gramo ken ti cellphone nga inaramatna iti transaksion.
Narekober met ti naaramat a buy-bust money.
Sumangsango ita ni Ganab iti kaso a panaglabsing iti RA 9165 wenno ti Comprehensive Dangerous Drugs Act of 2002.
