--Ads--
BAGUIO CITY – Nakemmeg ti maysa a drug surrenderee gapu iti kaso a panagtakaw iti uneg ti maysa a lotto outlet sadiay Partelo Street, Zone 2, Bangued, Abra idi kanikadua.
Nabigbig daytoy a ni Reynaldo Pensayo, 44-anyos, naasawaan ken residente ti Banbani, Danglas, Abra.
Maibasar iti report, nakita ti lotto agent ti suspek iti uneg ti outlet ken ti panagala daytoy iti cash a P1,500 sakbay a naglibas.
Nakita pay ti panangilukat ti suspek iti ridaw ti maysa a delivery truck ken ti panangalana iti cellphone ken backpack a naglaon ti charger.
Nabaelan met dagiti pulis a nakemmeg ti suspek ken narekober kenkuana ti uppat a cellphones, maysa a power bank, maysa a tactical knife, dua a lighter, dua nga aluminum foil ken nagduduma a padlock ken susi.
