Manarimaan a maipatpatungpal ti drug test kadagiti amin a personnel iti Baguio City Police Office.
Iti pannakiuman iti Bombo Radyo kenni Baguio City Mayor Benjamin Magalong, namnamaenna nga awanen ti kameng ti Phippine National police a karaman iti iligal a droga.
Gapu iti dayta, agtultuloy ti imbestigasion ken interrogation iti maysa a police a karaman kadagiti nakemmeg iti Drug Seizure idiay South China Sea Green Valley Subdivision, Barangay Dontogan Baguio City idi kalman.
Kabayatanna, inpakaammo ni Mayor Magalong a posible a naaramat kas storage ti siudad ti Baguio ken naituding a maipatulod iti sabali a distinasion dagiti droga a nakompiskar iti nasao a Barangay.
Kinuna pay ti nasao a Mayor nga agparparang a smuggled dagiti nakompiskar a droga.
Innayon ti nasao nga opisial a posible a pinagarup dagiti suspek a natalged da iti siudad gaputa addaan dagitoy iti protektor wenno kadwa a maysa a police.//mp4
