Impakaamo ni Baguio Flower Festival Incorporated Chief of Staff Evangeline Payno nga adda dagiti drum and lyre competitors manipud Rosario, La Union a makipartisipar iti Grand Opening Day Parade iti 2025 Baguio Flower Festival.
Sigun kenni Payno,daytoy ti kaunaan a gundaway a nangakseptarda iti partisipante manipud iti kabangibang a rehiyon.
Kinunana a kadagiti napalpalabas a tawen ket dagiti laeng nagtaud iti Baguio City ti makiparpartisipar iti drum and lyre competitions a maysa kadagiti regular a paset iti nasao a piyesta.
Mainaig iti dayta, imbinglay ti opisyal a nanayunan dagiti kategorya para kadagiti floats a makipaset iti Grand Float Parade a maysa kadagiti highlihgts iti Baguio Flower Festival nu sadino, karamanen ditoy ti small, medium, ken large categories a mabalin a pasetan dagiti nagduduma a barangays ken small organizations uray para kadagiti small float category.//Bombo Genzel Depsayso