Agtultuloy ti panangipaay iti food packs ken assistance ti Department of Social Welfare and Development (DSWD)-Cordillera kadagiti indibidual a naapektaran ti bagyo a Kristine.
Iti panakiuman ti Bombo Radyo kenni Maria Catbagan-Aplaten, Regional Director ti Department of Social Welfare and Development (DSWD)-Cordillera, impakaammona a nakapreposition dagiti food packs kadagiti amin a warehouse kadagiti innem a probinsya iti rehoyon Cordillera kasta met iti siudad ti bagyo.
Sigun kenni Aplaten, manarimaan ti koordinasyonda kadagiti amin a local government units tapno masigurado a maipaay dagiti pagkasupalanda.
Malaksid iti dayta, agtultuloy ti monitoringda iti rehiyon Cordillera tapno makita ti epekto ti baguo a Kristine.
Maibasar iti datos, dumanon iti sangapulo ket dua a pamilya ti naapektaran sadiay Abra; 272 sadiay Apayao; 11 a pamilya iti probinsya ti Benguet; 16 sadiay Ifugao; 45 sadiay Kalinga ken 65 sadiay Mt. Province.
Iti sabali a bangir, dumanon iti 822 nga indibidual ti adda kadagiti evacuation centers bayat a 127 nga indibidual ti adda kadagiti kabagyan dagitoy.
Para kadagiti naapektaran a balay, dumanon daytoy iti 31.
Kabayatanna, nagpalagip ni Aplaten kadagiti tattao nga agbalin dagitoy a naridam ken ti panagbakwitda nu saan a nasayaat ti kasasaad ti babbalayda.
Malaksid iti dayta, isagana dagiti pagkasapulanda kas iti first aid kit.
