Agtultuloy ti panagbantay ti Department of Social Welfare and Development- Cordillera (DSWD-Cordilleras) babaen iti Quick Response Team (QRT) ken dadduma a SWAD Offices iti rehiyon.
Sigun iti kaudian a datos ti nasao nga ahensya, ada ti nailistada nga agarup 12 apektado a pamilya a bukbuklen ti 42 nga indibidual manipud iti upat a barangay idiay Abra ken Apayao.
Manipud iti nasao a bilang dagiti apektado a pamilya, maysa kadagitoy ti agtaltalinaed iti evacuation center bayat a dagiti 9 a pamilya ti temporaryo a nakidagos kadagiti kapamilya dagitoy.
Imbinglay ni nasao nga ahensya nga agtultuloy ti koordinasyonda kadagiti local government unit (LGUs) ken dadduma pay a maseknan nga ahensya para iti agtultuloy nga assessment, validation, ken panangipaay iti assistance kadagiti apektado a pappamilya.
Innayon pay daytoy a nakastandby meten ti agarup P105.79 milyon a gatad ti relief resources tapno masigurado ti napartak a panangipaay kadagitoy kadagiti posible a maapektaran iti saan a nasayaat a sasaaden ti panawen. //bombokaren.c.sapirao
