Agtultuloy ti panangipaay ti Department of Social Welfare and Development- Cordillera (DSWD-CAR) iti tulong ken assistance para kadagiti naapektaran iti Rehiyon Cordillera gapu iti naglabas a bagyo ken habagat.
Sigun iti kaudian a datos ti nasao nga ahensya, agarup P47.4 Milyon a gatad ti Humanitarian Assistance ti naipaay iti rehiyon Cordillera .
Itay nabiit, naipaay metlaeng ti agarup 885 a Family Food Packs (FFPs) iday Bangued, Abra itay nabiit partikular idiay barangay Sappac, Libcan, ken Maoay.
Kabayatanna, agarup 11 a pamilya ti agtaltalinaed pay laeng kadagiti evacuation centers iti rehiyon.
Dumanon metten iti 24 dagiti totally damaged a pagtaengan ken 271 ti nairekord kas partially damaged a babbalay.
Agtultuloy met ti pannakikoordinar ti DSWD Field Office Cordillera kadagiti nagduduma a local government units iti rehiyon tapno masigurado a maipaay ti kaskenan ken maiyanatup a tulong para kadagiti apektado. //kcs//