Impakaammo ti Department of Social Welfare and Development (DSWD) a nangilatang dagitoy iti ₱30 billion a tulong pinansyal para kadagiti Pilipino a maap-apektaran iti panagngato iti presyo dagiti produkto a petrolyo pakairamanan dagiti driver iti jeep ken tricycle.
Sigun ken DSWD Secretary Rex Gatchalian, ti pondo para iti daytoy ket agtaud iti Assistance to Individuals in Crisis Situation (AICS) ti nasao nga ahensya.
Manamnama a maipaay ti financial aid nga agbalor iti ₱5000 iti tunggal benepisyaryo.
Immuna metten a nairugi ti rollout idiay National Capital Region(NCR) nu sadino, agarop 139,000 a driver ti tricycle ti nabigbig nga agbalin a potential beneficiaries nu sadino, ti panakaiwaras daytoy ken mangrugi met inton March 17.
Kabayatanna, kinuna ti opisyal a mapalawa ti nasao a programa iti intero a pagilian kalpasan ti initial rollout.
Ti nasao a tulong pinansyal ket duma iti fuel subsidy nga ipaay me ti Department of Transportation (DOTr).
