La Trinidad, Benguet- Binisita ni Benguet Cong. Eric Go Yap ni Secretary Rex Gatchalian ti Department of Social Welfare and Development head office.
Maysa kadagiti kangrunaan a pinagsaritaan dagiti dua nga opisyal ti agtultuloy a pannakaipadanon ken pannakaipaay dagiti programa ti DSWD iti probinsya ti Benguet.
Naipanamnama pay ti tulong ti Benguet Congressional Office kadagiti programa ti ahensya partikular nu dumteng ti emerhensya ken didigra babaen kadagiti maibunong a family food packs ken emergency assistance.
Natalantan pay dagiti maiyuswat a proyekto ni Cong. Yap kas iti livelihood wenno pagbiagan ken ti programa para iti violence against women and children.
Pinagyaman pay ti opisyal ti agtultuloy a nasinged a panagpagayam da kenni Gatchalian para iti naparpartak a maidanon dagiti nagduduma a social programs iti publiko.//JRT
