BALTIMORE-Nasarakan ti dua a bangkay ti construction workers iti nalamiis a danum idiay Baltimore harbor idi laeng kalman.
Sigun kadagiti otoridad, na-trap ti dua a construction workers iti nalabbaga a pick-up truck kalpasan a bimangga ti dakkel a barko iti rangtay ti Baltimore.
Patien ti Maryland police nga innem kadagiti walo a construction crew ket pimmusayen nu sadinno manarimaan paylaeng a mabirbirukan ti uppat a bangkay.
Nagpakdaar dagiti otoridad kadagiti diver iti nasao a lugar a saan a natalged a serreken dagiti rebbek.
Nu pay kasta, panggep dagiti otoridad nga ikkaten ti “superstructure” sakbay a maibaon dagiti divers tapno alaend dagiti dadduma a bangkay iti nakapasamakan ti insidente.
Maipalagip nga itay laeng kanikadua, bimmangga ti maysa a barko iti Francis Key Scott Bridge idiay Baltimore, Maryland, United States of America a nakaitundaan ti panagcollapse ti rangtay ken nakatayan ti sumagmamano a motorista.
