Nagsagrap ti dunor ti dua a biktima kalpasan a dinangran dagitoy ti dua a suspek iti asideg ti Brgy. Hall ti Camp Henry T. Allen, Baguio City.
Dagiti nadangran ket agtawen ti 26, single, residente ti Bakakeng Norte/Sur, Baguio City bayat a ti maysa pay ket agtawen ti 22, single, ken residente metlaeng iti kapada a lugar.
Dagiti met suspek ket nabigbig a lalaki, ken agpada a residente ti Camp Henry T. Allen, Baguio City.
Maibasar iti imbestigasion ti pulisia, naaddaanda iti saan a panagkinnaawatan ti grupo dagiti biktima ken suspek nu sadinno, dinangran ti maysa a suspek ti maysa a biktima babaen ti 2×2 a kayo.
Kalpasan daytoy, nagtinnulong ti dua a suspek a nangdangran iti agtawen ti 26 a biktima ngem nakaala iti tsansa ti biktima a timmaray manipud kadagiti suspek.
Ti met agtawen ti 22 a biktima ket ket timmaray idi nakitana a madangdangran ti kaduana ngem nagsubli metlaeng gapu iti panagdanag daytoy.
Nupay kasta, naranaan daytoy dagiti suspek ket ditoy met a dinangranda.
Gapu iti daytoy, nagsagrap ti agtawen ti 26 a biktima iti multiple physical injuries, soft tissue contusion, left facial area ken posterior, left secondary to alleged physical assault bayat a ti 22 years old a biktima ket nagsagrap ti soft tissue contusion, posterior left parietal secondary to alleged physical assault.
Ti kaso ket nai-refer iti Brgy. Camp Henry T. Allen//Bombo Gen
