--Ads--
BAGUIO CITY – Agpapaimbag ita iti pagagasan ti dua a construction workers kalpasan a nagaburan dagitoy sadiay Guitley, Lubas, La Trinidad, Benguet idi kanikadua.
Nabigbig dagitoy a da Norberto Valdez, 30-anyos, tubo ti Nueva Ecija ken Leo Salgit, 23-anyos, tubo ti Pozorrubio, Pangasinan.
Maibasar iti report ti La Trinidad Municipal Police Station, manarimaan ti panagkali dagiti biktima para iti pundasyon ti konkreto a poste.
Nupay kasta, killaat a nargaay ti kalkalienda a daga a nangitunda iti panakagabor dagitoy.
Dagus a naiturong da Valdez ken Saglit iti ospital gapu iti nasagrapda a dunor babaen iti panagresponde dagiti otoridad.
