BAGUIO CITY – Nakemmeg ti dua nga high value individuals iti buy-bust operation nga insayangkat dagiti otoridad sadiay Dap-ayan Compound, Pico, La trinidad, Benguet.
Nabigbig dagitoy a Marvin Salvador Valenton alyas Pukol, 37-anyos, baro, tubo ti Laoag, Ilocos Norte ken residente ti Lopez Jaena, Aurora Hill, Baguio City ken ni Thomas Glenn Sabalburo Totanes, 49-anyos, naasawaan, driver, tubo ken residente ti Bua, Tuding, Itogon, Benguet.
Maibasar iti report, inlakoda ti maysa a pakete ti maatap a shabu nga agdagsen ti 5 grams iti nakatransaksionda nga operatiba.
Narekober met kenni Valenton ti naaramat a boodle money.
Nakumpiskar met iti ikot ni Totanes ti dua a pakete ti maatap a shabu ken nagduduma a drug paraphernalia.
Sumangsangon dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
