LA TRINIDAD – Nakemmeg ti dua a drug personality babaen iti nagsina nga operasyon dagiti otoridad iti probinsya ti Benguet
Maibasar ti report, inmuna a nakemmeg ti maysa a lalaki kasaruno ti buybust operation ti La Trinidad MPS
Nabigbig ti suspect a ni Gerbel Kim Atas Caga, 29-anyos, tubo ti Madaymen, Kibungan, Benguet ken residente ti Balili La Trinidad Benguet.
Nakumpiskar manipod iti suspek ti dua a pakete ti maatap nga shabu nga agdagsen iti 0.22 grams.
Kabayatanna, nakemeg ti maysa pay a suspek iti naisayangkat a search warrant dagiti otoridad sadiay Cada Balili, Mankayan, Benguet
Nabigbig ti suspek a ni Julius Altuna Dalmacio a.ka. Dicam, 43-anyos, naasawaan ken residente ti nasao a lugar.
Maibasar iti report, nakumpiskar iti suspek ti maysa a pakete ti maatap a shabu nga agdagsen iti 0.3 grams, maysa nga improvised plastic tooter, dadduma pay a drug paraphernalia ken maysa a bala.
Sumangsango met itan dagiti suspek iti panaglabsing iti R.A 9165 wenno dangerous drugs act of 2002.
