BAGUIO CITY – Simmuko iti gobyerno ti dua a miembro ti Kilusang Larangang Gerilya Abra-Mountain Province-Ilocos Sur (KLG AMPIS) ti Ilocos-Cordillera Regional Committee ti New People’s Army (NPA).
Imet dagitoy dagiti armasda iti panagsukoda iti gobyerno sadiay Pinukpuk, Kalinga.
Nabigbig dagitoy a da alyas Berto, 30-anyos, miembro ti Squad 1 ken alyas Ben, 29-anyos, miembro ti Squad 3 ti KLG AMPIS.
Imet ni alyas Berto ti maysa nga M14 rifle, dua a magazine a naglaon ti 15 a bala bayat nga imet met ni alyas Ben ti maysa a caliber 30mm carbine nga addaan ti magazine a naglaon ti pito a bala.
Kabayatanna, nadiskobre dagiti soldado sadiay Balbalan, Kalinga dagiti kagawaan a panggubat ti NPA.
Nagtaud ti impormasyon iti lokasyon dagiti armas manipud iti maysa a sigud a rebelde.
Nadiskobre iti nasao a disso ti uppat nga anti-personnel mines, tallo a rifle grenade ken medical equipment malaksid pay kadagiti subersibo a dokumento.
Nagyaman met ti militar iti panangited dagiti sigud a rebelde iti impormasyon
