Narekober ti dua a kanayunan pay a bangkay manipod iti uneg ti nabaliktad nga MV Hong Hai 16 sadiay Rizal, Occidental Mindoro.
Iti update ita nga aldaw, nasarakan dagiti diver ti umuna a bangkay iti agarup 8:15 a.m. iti asideg ti pagdagusan iti baba ti rangtay.
Sigun iti update idi Huebes, nasarakan dagiti diver ti umuna a bangkay iti agarup 8:15 a.m. iti asideg ti pagdagusan iti baba ti rangtay, bayat a ti maikadua a bangkat ket nasarakan iti 11:36 a.m. iti cabin a masarakan iti main deck.
Saan pay a naipakaammo ti pakabigbigan dagiti narekober a bangkay, bayat a makidkiddaw kadagiti nakalasat nga agturong iti lugar tapno maammuan dagiti biktima.
Iti pannakatakuat, bimmaba itan iti pito ti bilang dagiti mapukpukaw a biktima.
Kabayatanna, indeploy ti The Marine Environmental Protection Enforcement Response Group – Southern Tagalog ti 10 segments wenno 250 metros ti oil spill boom tapno mapalag-an ti posible a panagibukbok ti lana a resulta ti panagbaliktad.
Iti immuna a report, imbinglay ti Philippine Coast Guar a ti MV Hong Hau ket naglaon ti sangapulo ket tallo a Pilipino ken sangapulo ket dua a Chinese nationals.
Impasigurado ti Philippine Coast Guard nga agtultuloy ti pangregget nga ar-aramidenda tapno masarakan dagiti mapukpukaw a biktima.
