Nabigbigen dagiti dua a lalaki a pimmusay iti napasamak a pammaltog sadiay Sitio Abagatan, Brgy. Cardona, Dolores, Abra idi kalman, Abril 29 (7PM).
Nabigbig dagitoy a da FERMIN BALMACEDA PILOR JR, 65-anyos, maysa nga kagawad ken ni RUMUALDO PTECHAY AMANO, addaan iti legal nga edad ken agpada dagitoy a mannalon ken residente ti Poblacion Dolores, Abra.
Maibasar iti report, nirespondean dagiti otoridad ti awag manipod kenni Brgy. Captain Joel Palma ti Cardona, Dolores, Abra a nangiyuman iti napasamak a pammaltog iti nasao nga lugar.
Iti inisyal nga imbestigasyon, manarimaan ti pannangan dagiti biktima ken ti asawa ken anak ni Pilor Jr. iti ruar ti pagtaenganda sadiay Brgy. Cardona, Dolores, Abra idi killaat a pinalpaltogan dagiti saan pay nabigbig a suspek dagitoy.
Dead on the spot dagiti biktima bayat a saan met a nadangran ti asawa ken anak ni Pilor Jr. Agtultuloy met ti imbestigasyon dagiti otoridad para iti pakabigbigan dagiti suspek ken motibo iti napamasak a pammaltog.
