--Ads--

Nakemmeg ti dua pay a lalaki iti nagsina a buy-bust operation nga impatungpal dagiti otoridad idiay Tingdo Road, Purok 12, Irisan, Baguio City itay parbangon.


Dagiti nakemmeg ket agpada nga Street Level Individual (SLI) ken nabigbig kas maysa a lalaki, agtawen iti 28, awanan trabaho, ken residente iti Pinsao Maria Pucay, Baguio City ken maysa pay a lalaki nga agtawen iti 31, awanan metlaeng iti trabaho, ken residente iti Roman Ayson Road Campo Filipino, Baguio City.


Nakumpiska manipud kadakuada ti uppat (4) a piraso ti heat sealed transparent plastic sachets a naglaon iti maatap a shabu nga addan iti kadagsen nga agarup 20 grams ken pakabuklan nga SDP a PHP136,000.00 (Subject of Sale).
Dagitoy ket naikabil iti pakete ti sigarilyo.


Iti panagtultuloy ti nasao nga operasyon, nakumpiska manipud iti 28-anyos a lalake ti agarup lima a gramo ti maatap a shabu nga addaan iti SDP a PhP34,000.00 (Possession).


Malaksid ti dayta nakumpiska metlaeng ti sumagmamano a non drug evidences kas iti pakete ti sigarilyo a nakaikabilan ti maatap a shabu, maysa nga original Five-Hundred-peso bill a naarmat kas buy-bust money; maysa a five hundred peso bill boodle money a naaramat kas buy-bust money; 51 a piraso ti one-thousand-peso bills boodle money kas buy-bust money; dua a selpon; wallet; coin purse; susi; motor; ken helmet.


Balligi ti nasao nga operasyon babaen ti Regional Police Drug Enforcement Unit (Lead Unit), Regional Intelligence Division PRO CAR, Baguio City Police Office Station 9, City Drug Enforcment Unit, City Intelligence Unit, Philippine Drug Enforcement Group Special Operationd Unit CAR ken Regional Intellogence Unit-14.


Dagiti suspek ket naipasidungen iti kustodiya ti BCPO S9 para ti temporary detaining pending medical examination ken completion dagiti necessary booking.


Dagiti met nakumpiska nga ebidensya ket maipasidung iti kustodiya ti RPDEU para ti umno a dokumentasyon ken daduma a legal ken custodial processes.
Sumango dagiti suspek iti kaso a panaglabsing ti RA 9165 wenno Comprehensive Dangerous Drugs Act of 2002. //via Bombo Noveh Organo