Maatap a napasamak ti kaudian a kaso iti infanticide idiay France kalpasan a nasarakan dagiti otoridad ti dua nga awanan biag a maladaga iti uneg ti freezer.
Dagiti nasao a maladaga ket nasarakan ti maysa a lalaki iti uneg ti nasao nga appliance iti pagtaengan daytoy idiay Aillevillers-et-Lyaumont.
Kasaruno dayta, dagus a napagdudua-an ti ina dagiti ubbing a pimmanaw iti balayda a saan a nagpakada.
Nupay kasta, naarestar metlaeng ti nasao a babae ti maysa a suburb iti laud a paset ti Paris.
Kabayatanna,saanen a damo a napasamak ti nasao a kaso iti nasao a pagilian gapu ta nakailistada iti kapada a pasamak idi 2022 nu sadino, dua a maladaga ti biktima, idi 2015 ket lima met a bagi ti nasarakan bayat a kapada metlaeng ti nagbanagan dagiti tallo a maladaga iti ima ti bukodda nga ina idi 2009.
